நடிகர் அஜித் கடந்த சில மாதங்களாக பல்வேறு நாடுகளில் நடக்கும் கார் ரேஸில் பங்கேற்று வருகிறார்.
தற்போது மலேசியாவின் செபாங் சர்வதேச சர்க்யூட்டில் நடக்கும் ஏசியன் லீ மென்ஸ் சீரிஸ் தொடரில் அவரும், அவரது அணியும் பங்கேற்றனர்.
போட்டி துவங்கிய சில நிமிடங்களிலேயே அஜித்தின் கார் பழுதாகி நின்றது. இதனால் அவரால் தொடர்ந்து போட்டியில் பங்கேற்க முடியாத நிலை ஏற்பட்டது.
கார் பழுது தொடர்பாக அஜித் அளித்த பேட்டியில், ‛‛இதில் கவலைப்படுவதற்கு ஒன்றுமில்லை. கார் ரேஸில் இதுபோன்ற நிகழ்வு நடக்கத்தான் செய்யும்.
இது மனதை லேசாக பாதிக்கிறது. ஆனாலும் இன்னொரு போட்டி இருக்கும்” என பாசிட்டிவ்வாக பேசினார்.
அஜித்தின் ரேஸை காண ஆவலாய் இருந்த ரசிகர்களுக்கு இது ஏமாற்றத்தை அளித்தது.
முன்னதாக இன்று நடந்த போட்டியை காண நடிகை ஸ்ரீலீலாவும் சென்றிருந்தார். அஜித் உடன் அவர் செல்பி எடுத்து மகிழ்ந்தார்.